في مميزات كتير ممكن نلاقيها في العقار تحت الإنشاء، ومنلاقيهاش في العقار تام البناء، بالشكل إلي يشجعنا نشتري شقتنا في عماره تحت الانشاء. زي إيه؟
- أهم ميزة لمحبي الاستثمار إن العقارات تحت الإنشاء فرصة استثمارية كبيرة: إنك تشتري عقار وهو تحت الإنشاء وبعدها تقدر تبيعه بزيادة لا تقل عن 25% بعد مرحلة الانتهاء من البناء، وخصوصًا في ظل التزايد المستمر في أسعار العقارات. ولو الموقع حيوي على بحر أو مساحات خضراء كبيرة أو شوارع ومحاور رئيسية، ده هيساعد على ارتفاع سعره بشكل أسرع حتى خلال فترة البناء.
- هتقدر تصمم شقتك بالطريقة إلي تعجبك، وده هيخليك ممكن تقعد سنين قبل ما تحتاج تعمل أي إصلاحات أو تعديلات، لإنك صممت شقتك بنفسك من البداية — وده هيوفرلك المصاريف إلي ممكن تضيع على التعديلات في الشقة تامة البناء.
- نسبة المقدم الخاصة بالعقارات تحت الإنشاء في شركات كتير بتكون منخفضة، بالإضافة إلى إن طرق الدفع وتسهيلات السداد أسهل بكتير مقارنة بالعقارات الجاهزة في نفس الموقع. يعني مثلًا لو في الشقق المبنية مدة القسط من 2-3 سنين، هتلاقي فترة السداد ما بين 4-5 سنين في العقار تحت الإنشاء.
- هتقدر تختار إطلالة العقار إلي إنت عايز تشتريه: هل بيطل على البحر ولا على مساحات خضراء ولا قريب من أهم الطرق والمحاور الرئيسية؟
- عندك الحرية إنك تختار الدور إلي هتبقى فيه شقتك، خاصة في العقار تحت الإنشاء، فالأغلب هتلاقي معظم الشقق متوفرة وبالتالي هتقدر تحدد الدور إلي إنت عاوزه براحتك — عكس العمارات مُسبقة البناء إلي ممكن تلاقي عدد كبير من الشقق فيها اتباع.
