ازاي تخطط لامتلاك شقة أحلامك؟
عملية شراء عقار سكني برغم إنها بتحصل كل يوم بس هي عملية سهلة ولا بتتم في يوم وليلة، المفروض تخطط كويس عشان تاخد أفضل عقار من ناحية المساحة والموقع ويكون مريح بالنسبة لك وتاخد أفضل قيمة قدام السعر اللي هتدفعه، وهنا بقدملك أفضل خطة تساعدك على ده .
أول خطوة: تأكد من إنك جاهز تماما لامتلاك عقار:
شراء العقارات التزام مادي كبير فلازم تكون مجهزله بشكل كويس ميزانيتك تمن الشقة نفسه وكذلك التشطيب بتاعها والصيانة الدورية الخاصة بيها ولو هتجيب الشقة بنظام تقسيط لازم يكون معاك المقدم الخاص بيها ودفعات الشهور الأولى الخاصة بيك، وطبعا ميزانيتك بتلعب أكبر دور في موقع ومساحة الشقة اللي تقدر تشتريها.
الخطوة التانية: ابدأ دور على شقتك:
الإنترنت خلى الخطوة دي أسهل كتير تقريبا كل مواقع التواصل الاجتماعي هتلاقي شقق للبيع في أي مدينة عاوز تتملك فيها ده غير المواقع المتخصصة في العقارات زي Aqarmap، نصيحتنا إنك تشتري الشقة من شركة تطوير عقاري مش مجرد تسويق عقاري لإن المطور هو صاحب الشقة واللي بناها من البداية فأنت هتكون بتشتري من المالك الأصلي للعقار بدون عمولة أو وساطة.
الخطوة التالتة: فكر على المدى البعيد:
شقتك ممكن تكون مجرد سكن دلوقتي بس كمان ممكن تكون استثمار على المدى البعيد، بنشوف كتير ناس بتجيب شقق في مناطق بعيدة أو مدن بعيدة لإنها هتكون المستقبل بعدين، زي مطروح في العشرين سنة اللي فاتوا تقريبا أي حد اشترى تقريبا من خمس سنين دلوقتي ممكن يبيعها بأضعاف المبلغ.
رابع خطوة: اختار وقت الشراء المناسب:
برغم إن الناس بتشتري عقارات كل يوم لكن فيه مواسم معينة بتكون الأسعار فيها أقل شوية وبتزود فيها شركات العقارات العروض بتاعتها، المواسم دي منها مثلا فترة الشتا واللي جواها عروض زي الجمعة البيضا في نوفمبر وعروض بداية العام الجديد
آخر خطوة ببساطة: اشتري! :
مبروك أنت خلاص بقيت مالك لشقة أحلامك! بس الموضوع مش بينتهي عند المفاتيح محتاج تهتم شوية بالشغل الورقي، راجع العقود بشكل جيد وقارن صحة بالبيانات بالعقد بما هو موجود على الواقع مثل المساحة مثلا، سجل الشقة في الشهر العقاري وانقل جميع الخدمات باسمك مثل الكهرباء والمياه وغيرها.