ليه تشتري شقه تحت الإنشاء ؟
في مميزات كتير ممكن نلاقيها في العقار تحت الإنشاء، ومنلاقيهاش في العقار تام البناء، بالشكل إلي يشجعنا نشتري شقتنا في عماره تحت الانشاء ، زي إيه ؟
1. اهم ميزه لمحبيين الاستثمار ان العقارات تحت الانشاء فرصه استثماريه كبيره ، انك تشترى عقار وهو تحت الإنشاء وبعدها تقدر تبيعه بزيادة لا تقل عن 25 % بعد مرحلة الانتهاء من البناء و خصوصا في ظل التزايد المستمر في أسعار العقارات و لو الموقع حيوي علي بحر او مساحات خضراء كبيره او شوارع و محاور رئيسيه ده هيساعد علي ارتفاع سعره بشكل اسرع حتي خلال فتره البناء .
2. هتقدر إنك تصمم شقتك بالطريقة إلي تعجبك و ده هيخليك ممكن تقعد سنين قبل ما تحتاج انك تعمل أي إصلاحات او تعديلات لانك صممت شقتك بنفسك من البدايه و ده هيوفرلك المصاريف إلي ممكن تضيع على التعديلات إلي ممكن تعملها على الشقة تامة البناء.
3. تتميز نسبة المقدم الخاصة بالعقارات تحت الإنشاء في شركات كتير بقيمة منخفضة، بالإضافة إلى ان طرق الدفع وتسهيلات السداد اسهل بكتير مقارنة بالعقارات الجاهزة الموجودة فى نفس الموقع عشان عادة الشركة بتديلك الفرصة إنك تسدد تمن شقتك بالتقسيط بالنظام الي يناسبك يعني مثلًا لو في الشقق المبنية مدة القسط فيها بتكون من 2-3 سنين، هتلاقي فتره السداد ما بين 4-5 سنين في العقار تحت الإنشاء 4. هتقدر تختار اطلالة العقار الي انت عايز تشتريه ، هل بيطل على البحر ولا علي مساحات خضراء ولا قربب من أهم الطرق و المحاور الرئيسة ؟
5. عندك الحريه انك تختار الدور إللي هيبقا فيه شقتك ، خاصة في العقار تحت الإنشاء، فالأغلب هتلاقي معظم الشقق متوفرة، وبالتالي هتقدر تحدد الدور إلي إنت عاوزه براحتك، عكس العمارات مُسبقة البناء، وإلي ممكن تلاقي عدد كبير من الشقق فيها اتباعت .